5-jarige brand erg

2009-10-21 19:58

Durban - ‘n Vyf-jarige meisie het 55% brandwonde opgedoen nadat sy by haar huis in Newcastle in KwaZulu-Natal met vuurhoutjies gespeel het.

Volgens Netcare 911 het die voorval Woensdagoggend rondom 10:15am plaasgevind. Noodwerkers vermoed dat sy haar klere aan die brand gesteek het.

Lede van die dogtertjie se gesin het die vlamme geblus en die gesin se bure het haar toe hospitaal toe gejaag vir behandeling.

‘n Netcare 1 helikopter met ‘n spesialisspan van Gauteng het die kind na die brand-eenheid van ‘n Sandton-hospitaal vervoer vir gespesialiseerde sorg.

 – Netcare 911