4,6 milj. het sedert April vir MIV/Vigs getoets
2010-12-02 02:30
Kaapstad - Meer as 4,6 miljoen Suid-Afrikaners het sedert April vanjaar hulleself vir MIV/Vigs laat toets.
Die adjunkpresident, Kgalema Motlanthe sê 800 000 of sowat 17 persent van dié mense het MIV-positief getoets.
Die 4,6 miljoen is deel van 'n groep van 5,5 miljoen wat berading oor MIV/Vigs ontvang het en gekies het om hulleself te laat toets.
President Jacob Zuma het in April die nasionale MIV-toets en beradingsveldtog begin.
Motlanthe sê die hoeveelheid toetse in 2010 is 'n verbetering van meer as 500 persent teenoor verlede jaar.
- RSG
Volg Nuus24 op Twitter