42 in ongeluk buite Durban beseer

2012-05-02 22:01

Johannesburg – Meer as 65 mense was in ‘n ongeluk betrokke toe vier minibus-taxi’s en ‘n motor Woensdag op die N2 naby Durban gebots het, het paramedici in KwaZulu-Natal gesê.

Twee-en-veertig uit die 65 mense is beseer en 11 van hulle het ernstige ebserings opgedoen, het Chris Botha van Netcare 911 gesê.

Met paramedici se aankoms op die toneel was die wrakstukke van die voertuie en die beseerdes oor die hoofweg versprei.

Die oorsaak van die ongeluk, wat omstreeks 18:00 plaasgevind het, was nog nie bekend nie.

Die mense wat ernstig beseer is, is na nabygeleë hospitale geneem, het Botha gesê.

– Volg Nuus24 op Twitter

 

- SAPA