400 kinders in W-Kaap nie ingeskryf by skole

2013-01-17 14:31

Kaapstad – Sommige inwoners van Khayelitsha dring daarop aan dat onderwysbeamptes hulle van hul eie skool voorsien, berig Eyewitness News.

Gemeenskapslede van die Zwelitsha- informele nedersetting sê hulle kon nie hul kinders by nabygeleë skole inskryf nie, aangesien dit vol is.

Tot 400 kinders moet nog ingeskryf word.

Die provinsie het die nuwe skooljaar Woensdag met ses nuwe skole begin.

Inwoners en hul kinders het tans vergaderings met onderwysbeamptes.

Van die kinders daag in uniforms op in die hoop dat die departement vir hulle ‘n plasing sal kan kry.

– Lees meer hier.

– Volg Nuus24 op Twitter