4 met ongeslypte diamante betrap
2010-06-18 20:52
Kaapstad - Twee Chinese mans, 'n Kongolees en 'n Suid-Afrikaanse man is Vrydag in Kaapstad in hegtenis geneem nadat hulle met 20 ongeslypte diamante betrap is.
Polisielede het glo 'n wenk vanaf die publiek ontvang, en die skarminkels se motor gevolg, hulle afgetrek en deursoek.
"Die diamante is binne die motor gevind," aldus polisiewoordvoerder Yolanda Faro.
Die mans word aangehou in die Woodstock-polisiestasie en behoort Maandag in die Kaapstadse landdroshof te verskyn.
- Sapa
Volg Nuus24 op Twitter. Kliek hier.
- SAPA