39 beseer in kettingbotsing in KZN
2012-01-18 10:00
Johannesburg – Nege-en-dertig mense is beseer, waaronder 15 ernstig, toe twee taxi’s en vier motors Woensdag op Edendale-weg naby Pietermaritzburg gebots het, het paramedici gesê.
Die ongeluk het omstreeks 07:30 naby ‘n fabriek in Edendale plaasgevind, het ER24 se woordvoerder, Derrick Banks, gesê.
Ses kinders is in die ongeluk beseer en is vir skrape en snye behandel.
Die 15 mense wat ernstige beseer is het nek- en rugbeserings opgedoen.
Die beseerdes is deur ‘n ambulans na verskeie hospitale in Pietermaritzburg geneem, het Banks gesê.
Die oorsaak van die ongeluk was nie onmiddellik bekend nie.
Banks het gesê terwyl paramedici op die ongelukstoneel was, was daar verder op in die pad nog ‘n ongeluk tussen ‘n taxi en twee bakkies, maar geen beserings is aangemeld nie.
– Volg Nuus24 op Twitter
- SAPA