37 beseer in Jhb-ongelukke
2010-08-16 09:39
Johannesburg – Sewe en dertig mense is Maandag in twee aparte taxi-ongelukke in Johannesburg beseer, het nooddienste gesê.
Volgens woordvoerder Percy Morokane het die eerste ongeluk om 5:30 op die Goue Hoofweg plaasgevind.
Die taxi was van Orange Farm na Johannesburg se middestad onderweg toe die bestuurder beheer oor die voertuig verloor en dit omgeslaan het,” het hy gesê.
Elf mense is beseer, waaronder vyf ernstig.
Die tweede ongeluk het op die hoek van Joubert- en Empirestraat in Parktown plaasgevind.
Twee taxi’s het gebots en 26 mense is beseer. Vyftien het ernstige beserings opgedoen.
“Die tyd tussen sonsopkoms en sonsondergang is altyd ‘n tyd wanneer sulke ongelukke plaasvind. Motoriste moet ekstra oplettend tydens dié ure wees,” het hy gesê.
Volg Nuus24 op Twitter
- SAPA