3 vas vir R1.6 miljoen se perlemoen
2009-09-21 16:58
Kaapstad - Drie mans is in hegtenis geneem nadat sowat 13 800 skoongemaakte perlemoen ter waarde van R1. 6 miljoen in ‘n stoor in Stikland gekry is.
Kapt. Bernadine Steyn van die Wes-Kaapse polisie het gesê hulle het inligting van beweerde perlemoenstropery ontvang.
‘n Klopjag is omstreeks 09:45 Maandagoggend in die stoorkamers in Willowstraat uitgevoer saam met mariene en- kusbestuur.
Die drie mans, onderskeidelik 26, 28 en 40 jaar oud, is op heterdaad betrap en in hegtenis geneem weens die besit van perlemoen.
- Sapa