3 beseer in motorongeluk
2010-01-16 15:44
Johannesburg - Drie mense is in ’n motorongeluk in Pietermaritzburg beseer toe hul motor van die pad gery en ’n boom getref het, het paramedici in KwaZulu-Natal gesê.
“Daar word vermoed dat die drie mense, wat in die ongeluk betrokke was, op pad was huis toe na ‘n aand uit en dat die bestuurder beheer oor die voertuig verloor het,” het Jeff Wicks, woordvoerder vir Netcare 911 gesê.
Die drie insittendes was in die motor vasgekeer en moes deur reddingswerkers uitgehaal word.
Hulle is na ‘n nabygeleë hospitaal vir behandeling geneem.
- Sapa