250 dakloos ná brand
2010-06-17 01:53
Kaapstad – Sowat 250 mense is dakloos nadat ‘n brand by ‘n informele nedersetting in Houtbaai uitgebreek het, het die stadsraad Woensdag gesê.
Die brand het by die Imizamo Yethu informele nedersetting net na 19:00 Dinsdagaand uitgebreek. Dit is eers teen 02:00 onder beheer gebring.
Volgens Wilfred Solomons-Johannes, woordvoerder van die Stad Kaapstad se ramprisikobeheersentrum, het sowat 60 huise afgebrand.
Diegene wat dakloos gelaat is, is in Mandela Park skuiling gebied.
Volg Nuus24 op Twitter.
- SAPA