2010 Mighty Men is die laaste
2009-07-30 06:14
Volgende jaar se Mighty Men-saamtrek in Greytown sal die laaste wees.
Mnr. Angus Buchan, organiseerder van dié saamtrekke, het dit in ’n elektroniese nuusbrief aangekondig.
Hy
het gesê die besluit is geneem nie weens die aantal mense wat dit
bywoon of die werklading nie, maar omdat hy voel die getal sewe is die
getal van voltooiing.
2010 se Mighty Men sal die sewende
wees sedert Buchan dié bediening aan mans begin het met ’n handjievol
mense wat dit bygewoon het.
Die bywoningsyfers het gegroei
totdat daar by die vierde Mighty Men in 2007 meer as 7 000 mans op die
plaas Shalom buite Greytown in KwaZulu-Natal was.
In 2008
het hulle gehoop om meer as 20 000 mense te lok, maar alle verwagtinge
is oortref en uiteindelik het Buchan self gepraat van 60 000 mense wat
daar was.
Vanjaar het bywoning weer meer as verdubbel en na raming het sowat 150 000 mense dit bygewoon.
Toe
hy verlede maand bekend gemaak het daar gaan in 2010 weer ’n Mighty Men
wees, wou hy nie sê hoeveel mense hulle wil lok nie omdat dit nie oor
getalle gaan nie.
In sy jongste nuusbrief het hy ook aangekondig aanstaande jaar se Mighty Men word van 16 tot 18 April gehou.
Buchan
het gesê hy glo God sal dan die aspek van sy werk wat Hy wil hê hulle
op Shalom moet doen, voltooi. Die mans sal volgens hom egter voortgaan
om die boodskap uit te dra.
-Beeld