2000 soldate kry trekpas
2009-09-01 15:07
Kaapstad - Sowat 2000 afdankingsbriewe is uitgestuur aan soldate wat verlede week aan 'n onwettige optog deelgeneem het, het die minister van verdediging Dinsdag gesê.
"Daar is tussen 1500 en 2000 mense wat ons ondersoek. Ons het kennis van hulle afdanking uitgestuur en hulle het 10 dae om daarop te reageer”, het Ndivhuwo Mabaya, ‘n woordvoerder vir die minister gesê.
Die regering het sy afkeur van die optog, wat op 26 Augustus na die Uniegebou onderneem is, getoon.
Die gewelddadige optog is deur lede van die polisie met rubberkoeëls en traangas uitmekaar gejaag toe hulle by die Uniegebou probeer inbreek het.
"Om ‘n hofbevel teen te staan en in die Uniegebou te probeer inbreek is heeltemal onaanvaarbaar, veral van mense wat verantwoordelik is vir die verdediging van ons land”, het Themba Maseko, regeringswoordvoerder, gesê.
- AFP
Video: Soldate betoog by Uniegebou.