2 vas wat drank-trok kaap
2009-11-25 21:21
Johannesburg – Twee mans is Woensdag in hegtenis geneem nadat hulle glo ‘n vragmotor vol alkohol op Jan Smuts-rylaan in Parkhurst, Johannesburg gekaap het.
Die vragmotor se vrag was by die R220 000 werd en is later in Lombardy-Oos op Wordsworthstraat gevind.
“Die bestuurder van die vragmotor het uitgespring en weggehardloop,” het insp. Moses Maphakela gesê.
Polisie het twee mans, een van 41 en een van 58 jaar oud, in hegtenis geneem.
In ‘n onverwante voorval het polisie Woensdagoggend drie mans wat pas by ‘n huis in Athol ingebreek het en ‘n tuinier met ‘n mes gesteek het, in hegtenis geneem.
“Die mans het oor die tuinmuur gespring en rondom 11:30 die huis binnegegaan. Hulle het ‘n vrou se selfoon gesteel en die tuinier op sy pols gesny,” het Maphakela gesê.
‘n Plaaslike inwoner het die mans oor die muur sien spring en die polisie gekontak.
Die drie mans, wat tussen die ouderdom van 24 en 27 is, sal aangekla word van roof en poging tot moord asook die besit van gesteelde goedere.
- Sapa