2 bejaardes dood in plaasskietery
2009-12-06 14:46
Beaufort-Wes - Twee bejaardes en 'n man van iets in die dertig is doodgeskiet tydens 'n argument op 'n plaas genaamd Nooitgedacht buite Beaufort-Wes.
Kapt. Bernadine Steyn van die Wes-Kaapse polisie het Sondag gesê drie plaaswerkers het in 'n argument met 'n opsigter betrokke geraak.
Die man het weggeloop maar later met 'n aanvalsgeweer teruggekeer.
Die man van iets in die veertigs het na bewering in een van die plaashuise ingegaan en 'n vrou in haar tagtigs in die kop geskiet. Daarna het hy glo 'n man van iets in die sestig geskiet, ook in die kop.
Die aanvaller het na bewering ook 'n man van iets in die dertig buite die huis geskiet.
Al drie slagoffers is op die toneel dood.
Die opsigter is in hegtenis geneem en sou op drie aanklagte van moord in Beaufort-Wes se landdroshof verskyn.
- Sapa