16-jarige voor sy inisiasie doodgesteek

2010-11-19 23:25

Johannesburg – ‘n Sestienjarige seun is dood tydens die “Umguyo” tradisionele seremonie buite Butterworth, het polisie in die Oos-Kaap Vrydag gesê.

“Thapelo Piti is Donderdagaand omstreeks 21:00 by die Mrhothsozweni-lokasie doodgesteek,” het woordvoerder kapt. Jackson Manatha gesê.

“Daar was ‘n tradisionele seremonie wat bekendstaan an Umguyo, wat ‘n viering is voordat ‘n seun inisiasie ondergaan.”

Daar was glo ‘n “misverstand” tussen ‘n groep seuns en die slagoffer, maar hy was nog nie seker wat die misverstand was nie, het Manatha gesê.

Hy het egter gesê "daar was alkohol betrokke.”

Die voorval het by die seun, wat met sy inisiasie sou begin, se huis plaasgevind.

Manatha het bygevoeg dat niemand nog in hegtenis geneem is nie, maar dat ondervraging van die seuns wat in die moord betrokke was “binnekort” sou begin.

Volg Nuus24 op Twitter
 

- SAPA