16 beseer ná fratsstorm in Limpopo

2012-12-17 11:36

Johannesburg – Altesaam 16 mense is ernstig beseer in 'n fratsstorm wat die Tzaneen-gebied van Limpopo getref het, het die SABC berig.

Verskeie huise is verwoes en sommige huise se dakke is afgewaai.

Niel Shikwambana, woordvoerder van die Mopani-distriksmunisipaliteit, het gesê die rampbestuurspan het die omvang van die skade in twee nedersettings vasgestel.

Die Petanenge- en Mariveni-nedersettings is erg geraak deur die storm wat honderde gesinne dakloos gelaat het.

Shikwamaba het gesê die slagoffers is na die Letaba-hospitaal gehaas, waar hulle mediese behandeling ontvang.

– Lees meer hier

– Volg Nuus24 op Twitter