15-jarige in Jhb kry Siamese tweeling
2010-11-18 08:31
Johannesburg - 'n 15-jarige meisie het die lewe geskenk aan 'n Siamese tweeling in die Chris Hani-Baragwanath-hospitaal in Johannesburg.
Volgens die dagblad The Star is die babas, wat Maandag gebore is, aan die bors en maag aan mekaar verbind.
Volgens die hospitaal is die saak na Baragwanath van Klerksdorp verwys weens die meisie se ouderdom, het die koerant berig.
'n Perskonferensie word na verwagting Vrydag gehou waar dokters die babas se toestand sal bespreek.
Gewoonlik is daar op enige gegewe tyd net vyf gevalle van Siamese tweelinge wat nie geskei is nie ter wêreld.
Een uit 2,5 miljoen geboortes lewer Siamese tweelinge op en die meeste van die kinders sterf binne 24 uur.
Volg Beeld op Twitter en Facebook.
- SAPA