14 kinders beseer in ongeluk
2010-10-05 21:20
Johannesburg - Twaalf skoolkinders is beseer en twee is kritiek beseer toe die bakkie waarin hulle was Dinsdagmiddag in Midrand gerol het, het paramedici in Gauteng gesê.
Die bestuurder het blykbaar op die R562 beheer oor die voertuig verloor. Hy was besig om die skoolkinders, wat tussen vier en 14 jaar oud is, huis toe te neem, het Chris Botha, woordvoerder van Netcare 911, gesê.
Twee van die kinders is kritiek beseer. Een van hulle is per helikopter na die Steve Biko-hospitaal geneem. Ses is ernstig beseer en die res het minder ernstige skraap- en kneusmerke opgedoen.
- Volg Nuus24 op Twitter
- SAPA