121 Motoriste vas vir dronkbestuur
2010-11-21 19:11
Johannesburg – Altesaam 121 motoriste is Saterdagaand in Johannesburg vir dronkbestuur in hegtenis geneem, het die metropolisie Sondag gesê.
“Die metropolisie het padblokkades op hoofpaaie in Randburg, Soweto en Johannesburg gehou,” het supt. Wayne Minnaar gesê.
“Diegene wat gearresteer is, is na sentrums geneem waar alkoholtoetse gedoen is.”
Hulle is daarna na polisiestasies geneem en in aanhoudinselle geplaas. Die motoriste is na ongeveer drie ure op borgtog van R800 tot R1500 vrygelaat.
Volgens Minnaar sal die 121 motoriste Maandag in die hof verskyn.
- Volg Nuus24 op Twitter.
- SAPA