12 Sterf in kettingbotsing
2010-02-01 10:36
Johannesburg – Twaalf mense is dood en talle ander beseer, in ‘n ongeluk waarin vyf motors in Groblersdal betrokke was, het ‘n verkeersbeampte Maandag in Limpopo gesê.
“Ons is nog nie seker hoeveel mense beseer is nie, omdat van die beseerdes reeds van hul voertuie verwyder was, toe die polisie en nooddienste by die toneel opgedaag het,” het Gordon Horn, ‘n woordvoerder gesê.
Die ongeluk waarin twee minibustaxi’s, twee bakkies en ‘n vragmotor betrokke was, het Sondagaand omstreeks 17:30 gebeur.
Volgens Horn vermoed hulle dat spoed ‘n rol gespeel het asook onveilige volgafstande.
“Die bestuurder van een van die voertuie het beheer verloor, en dit het die kettingbotsing veroorsaak.”
- Sapa