10 dood in ongeluk in Oos-Kaap

2012-09-02 12:40

Johannesburg – Tien mense is dood en 17 ander beseer nadat 'n taxi in Stutterheim, in die Oos-Kaap, omgeslaan het.

Ashref Ismael, woordvoerder van die Padverkeer-bestuurskorporasie, het Sondag gesê 'n Toyota Quantum was vanaf Stutterheim na King William's Town onderweg toe die bestuurder beheer oor die voertuig verloor en dit gerol het.

"Die Quantum het daarna met 'n minibus gebots," het hy gesê.

Die ongeluk het Saterdag om 19:00 sowat 3 km vanaf Stutterheim gebeur.

Ismail het gesê 10 mense is in die ongeluk dood en 17 ander het beserings opgedoen. Hy het gesê nege van die beseerdes is in 'n kritieke toestand en agt het ligte beserings opgedoen.

Vyf van die beseerdes is later uit die hospitaal ontslaan.

'n Saak van strafbare manslag word ondersoek.

– Volg Nuus24 op Twitter.

- SAPA