1 dood, 14 beseer in kettingbotsing
2009-12-20 10:15
Johannesburg – Een mens is dood en veertien ander beseer in ‘n kettingbotsing op die N1 buit Colesberg, het Gauteng-paramedici gesê.
“Besonderhede oor die ongeluk is nog net spekulasie, maar dit lyk asof die voertuie in teenoorgestelde rigtings gereis het toe die ongeluk gebeur het,” het Netcare 911-woordvoerder Chris Botha gesê.
Veertein van die beseerdes is net lig beseer, maar die bestuurder van een van die voertuie is dood.
“Die man laat ‘n vrou en ‘n twee-jarige kind agter wat saam met hom in die motor was toe die ongeluk gebeur het.
Die ongeluk het 30 km buite Colesberg in die rigting van Hanover gebeur.
- Sapa