27% minder slaag by skool waar meisie haarself hang

2010-01-09 03:36

Johannesburg - Die matriekslaagsyfer by die skool in Soweto, waar ’n meisie haarself gehang het omdat sy matriek gedruip het, het glo met 27% gedaal. 

Modise Segale, die hoof by Hoërskool Thabo het Vrydag gesê die slaagsyfer het van 74% in 2008 tot 54% in 2009 gedaal.

Nomsa Mokone (17), een van die leerlinge by die skool, het haarself Donderdag gehang toe sy nie haar naam in die koerant gesien het nie.  

“Ek is platgeslaan,” het Segale gesê oor die dood van die leerling. ”Ek het nog nooit ’n probleem met haar gehad nie,” het hy gesê.

Segale het bygevoeg, alhoewel helfte van die studente gedruip het, is somige van die wat wel geslaag aanvaar by universiteite soos Wits en die Universiteit van Johannesburg.

Segale en Barbara Creecy, die LUR vir onderwys in Gauteng, het Vrydag Mokone se familie besoek om hulle medelye te betoon.

“Ons is hier om ons innige meegevoel teenoor die familie te betoon met die heengaan van Nomsa,” het Creecy gesê.

Lede van die SA Kommuniste party en die ANC vroue-liga was ook teenwoordig.

Die LUR het aan joernaliste gesê dat die Gautengse onderwys department die familie sal bystaan met behulp van ’n berader en sal ook probeer help met die begrafniskostes.

Creecy het ’n beroep gedoen op die gemeenskap om die Mokone-familie by te staan.

Nomsa se ma is in 2009 oorlede en haar pa ’n paar jaar vroeër.

Sy het ook ouers bemoedig om hulle kinders te ondersteun.

“Met tieners is dit anders. Hulle praat nie. Praat met jou kinders en sê julle is lief vir hulle. Sê vir hulle daar's baie ander opsies,” het sy gesê.