Triomf vir Bulls in Soweto
2010-05-22 18:53
In-diepte Verslae
Die Western Force was te sterk teen die Lions tydens hul Vodacom Super-rugbywedstryd by die NIB-stadion in Perth.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Anja Carstens
Kaapstad - Frans Ludeke se besluit om sy beginspan verlede naweek teen die Stormers te laat rus, het vrugte afgewerp toe die Bulls Saterdag hul Super14-halfeindstryd met 39-24 teen die Crusaders op die Orlando-stadion in Soweto geklop het.
In die eerste helfte het die Crusaders gesukkel onder die hoë balle van die Bulls en die tuisspan het reeds in die derde minuut punte op die telbord gesit nadat agsteman Pierre Spies onder die pale gaan druk het.
Die rustydtelling was 23-10 in die guns van die Bulls met die Crusaders wat gesukkel het om die bal wyd te versprei.
Dit was die Crusaders wat eerste in die tweede helfte toegeslaan het nadat vleuel Sean Maitland oorgeduik het vir 'n drie, maar die Bulls het daarna die oorhand gehad en telkemale ook omgekeerde besit bewerkstellig.
Morné Steyn was dodelik met sy skopskoen en het met net een van sy tien skoppe na die pale misluk.
Hoewel albei spanne drie drieë elk gedruk het, was dit die Crusaders wat die meeste foute begaan het en sodoende te veel strafskoppe moes afstaan.
Puntemakers:
Bulls: Drieë: Pierre Spies, Zane Kirchner, Fourie du Preez Doelskoppe: Morné Steyn (3) Strafskoppe: Morné Steyn (6)
Crusaders: Drieë: Richie McCaw, Sean Maitland, Sam Whitelock Doelskoppe: Daniel Carter (2) Strafskoppe: Daniel Carter
Bly op hoogte van al die jongste sportnuus deur Nuus24Sport op Twitter
te volg.
- Sport24