Trio terug vir Bulls
2012-05-15 11:08
In-diepte Verslae
Die Force het 'n groot slag geslaan toe hulle die Bulls-slot Wilhelm Steenkamp as dié Super-franchise se nuutste aanwins onthul het.
Die Cheetahs se afrigter, Naka Drotské, het die versoeking weerstaan om Heinrich Brüssow in die 15-tal te kies vir die stryd teen die Higlanders.
Johannesburg – Wynand Olivier, Dewald Potgieter en Dean Greyling is terug vir die Bulls se Super-rugbywedstryd Saterdag teen die Highlanders in Dunedin.
Olivier vervang Francois Venter en Potgieter sal in die plek van die beseerde Deon Stegmann uitdraf.
Greyling vervang Dawie Steyn op stut.
Potgieter het Sondag by die Bulls in Nieu-Seeland aangesluit nadat hy van 'n dyspierbesering herstel het en Olivier het verlede Saterdag gerus weens gekneusde ribbes.
Die losskakel Morné Steyn sal Saterdag die Bulls se sesde speler word wat in sy 100ste Super-rugbywedstryd uitdraf.
So lyk die span:
15 Zane Kirchner, 14 Akona Ndungane, 13 Johann Sadie, 12 Wynand Olivier, 11 Bjorn Basson, 10 Morné Steyn, 9 Francois Hougaard, 8 Pierre Spies (kaptein), 7 CJ Stander, 6 Dewald Potgieter, 5 Juandré Kruger, 4 Flip van der Merwe, 3 Werner Kruger, 2 Chiliboy Ralepelle, 1 Dean Greyling
Plaasvervangers: 16 Willie Wepener, 17 Rayno Gerber, 18 Wilhelm Steenkamp, 19 Arno Botha, 20 Jano Vermaak, 21 Louis Fouché, 22 JJ Engelbrecht
Vir die jongste sportnuus volg Nuus24Sport op Twitter.
– Sport24
