Syfers wys Bulls pas beste aan
2010-03-03 11:01
In-diepte Verslae
Die afrigter van die Sharks, John Plumtree, het sy span aangekondig vir die vriendskaplike wedstryd teen Boland op Kingspark in Durban.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Pretoria – Die Bulls is die span wat die beste by die strenger toepassing van sekere rugbyreëls aangepas het volgens statistieke wat vir die eerste drie Super14-rondes uitgereik is.
Volgens dié statistieke, uitgereik deur die Suid-Afrikaanse skeidsregtersvereniging, het die Bulls tot dusver net 21 strafskoppe afgestaan.
Die Bulls-kaptein Victor Matfield het erken dat sy span se mislukte poging in die verdediging van hul Super14-titel in 2008, deels was omdat hulle nie by die nuwe reëls aangepas het nie.
Die Cheetahs het wel net ses stafskoppe in hul wedstryd teen die Bulls afgestaan maar die Bulls het in hul kragmetings teen die Brumbies en die Waratahs, uitstekend gedoen om beheer te neem in die tweede helftes.
Die Brumbies en Waratahs het albei 12 strafskoppe teen die Bulls afgestaan.
Die aantal strafskoppe wat reeds vanjaar aan die Bulls toegeken is, het ook ‘n verskillende aspek in die manne van Pretoria se spel meegebring.
Waar hulle gewoonlik konserwatief speel en Morné Steyn eerder pale toe sal skop, word daar nou meer na drieë gejag.
“Met die strenger toepassing van die reëls, as jy nou in jou opponent se kwartgebied is, is dit moeilik vir die aanvallende span om die bal te verloor as hulle reg speel," het Matfield gesê.
Die Bulls het ook sover die meeste drieë van al die Super14-spanne aangeteken (17), vier meer as die Chiefs.
Die Sharks daarenteen kon in hulle drie wedstryde nog net een keer die doellyn oorsteek.
Tog vertel statistieke nie altyd die volle verhaal nie en is dit ook nie altyd ‘n aanwyser vir sukses nie. Die Western Force is die span wat die tweede minste strafskoppe afgestaan het (23), maar hulle sit tans heel onder op die puntelys.
Dieselfde geld vir die Brumbies, Chiefs en die Hurricanes wat heelwat gestraf is in hul wedstryde, maar steeds punte kon aanteken en wedstryde wen wanneer dit saak gemaak het.
Strafskoppe in eerste drie wedstryde deur spanne afgestaan:
Blues: 13 + 9 + 13 = 35
Brumbies: 10 + 12 + 14 = 36
Bulls: 9 + 8 + 4 = 21
Cheetahs: 6 + 15 + 8 = 29
Chiefs: 9 + 21 + 8 = 38
Crusaders: 7 + 12 + 9 = 28
Highlanders: 6 + 7 + 15 = 28
Hurricanes: 12 + 12 + 14 = 38
Lions: 9 + 11 + 12 = 32
Reds: 14 + 10 + 5 = 29
Sharks: 14 + 10 + 9 = 33
Stormers: 11 + 12 + 12 = 35
Waratahs: 9 + 12 + 12 = 33
Western Force: 9 + 7 + 7 = 23
Drieë in eerste drie wedstryde deur spanne:
Blues: 2 + 3 + 4 = 9
Brumbies: 3 + 3 + 1 = 7
Bulls: 6 + 5 + 6 = 17
Cheetahs: 3 + 1 + 2 = 6
Chiefs: 1 + 8 + 4 = 13
Crusaders: 4 + 2 + 4 = 10
Highlanders: 2 + 2 + 3 = 7
Hurricanes: 1 + 7 + 4 = 12
Lions: 1 + 8 + 2 = 11
Reds: 3 + 4 + 2 = 9
Sharks: 0 + 1 + 0 = 1
Stormers: 2 + 3 + 1 = 6
Waratahs: 2 + 0 + 4 = 6
Western Force: 0 + 3 + 1 = 4
- Sport24