Stormers min gespin oor blaser
2010-03-11 14:24
In-diepte Verslae
Die afrigter van die Sharks, John Plumtree, het sy span aangekondig vir die vriendskaplike wedstryd teen Boland op Kingspark in Durban.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Kaapstad – Die persepsie dat die fluitjieblaser Steve Walsh sy mes in het vir Suid-Afrikaanse Super14-spanne bly presies dit, bloot ‘n persepsie.
Dit is die Stormers se houding oor die aanstelling van die voormalige Nieu-Seeland skeidsregter, wat nou onder die Australiese vlag blaas, in Saterdag se wedstryd teen die Hurricanes op Nuweland.
Walsh was verlede naweek die middelpunt van bespreking toe hy ‘n strafdrie teen die Lions in hul wedstryd teen die Brumbies in Canberra toegeken het. Hy is ook fel gekritiseer vir sy geel kaart aan die voorspeler Kevin Buys.
Boonop het televisiekameras die oomblik vasgevang waar hy, in dieselfde wedstryd, vir ‘n Brumbies speler oogknip.
Die Stormers-breier Allister Coetzee het gesê hy is nie verontrus oor Walsh, wat ‘n paar jaar gelede as een van die top skeidsregters in wêreldrugby beskou is, die wedstryd teen die Hurricanes gaan blaas nie.
“Die kwessie tussen die Lions en Steve Walsh steur my nie. Hierdie is ‘n nuwe wedstryd vir hom en skeidsregters word nou ook erg onder die soeklig geplaas,” het Coetzee gesê.
Stormers-kaptein Schalk Burger het sy afrigter se woorde beaam. “Ons is nie regtig gepla oor die skeidsregter nie, en wil net ons eie ding doen,” het Burger gesê.
- Sapa