Stormers klop Cheetahs in Bloem
2011-06-18 20:52
In-diepte Verslae
Die Western Force het die Lions tydens hul Super-rugbywedstryd by die NIB-stadion in Perth geklop.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Bloemfontein – Die DHL Stormers het die Toyota Cheetahs Saterdagaand voor hulle tuisskare in Bloemfontein met 'n telling van 44-34 geklop.
Die Stormers het teen halftyd met 19-13 voorgeloop.
Die Stormers se oorwinning maak hulle nie net Suid-Afrika se toppresteerder in die Super Rugby-reeks nie, maar het ook vir hulle 'n direkte plek in die kwarteindronde besorg, omdat hulle nou tweede op die algehele punteleer is.
Adriaan Strauss, kaptein van die Cheetahs, het ná die wedstryd te kenne gegee dat hy teleurgesteld is, maar hy het ook die positiewe aspekte van sy span se vertoning raakgesien.
"Ek dink daar is baie positiewes om uit hierdie seisoen te neem. Ek dink baie van die jonger spelers het goed gedoen, en dis beslis iets om op te bou vir volgende jaar. Maar ons is steeds baie teleurgesteld," het Strauss gesê.
Schalk Burger, kaptein van die wenspan, was vol lof vir sy teenstanders.
"Hulle het goed aangeval, en daar was lekker baie drieë gewees," het Burger erken.
Burger het voorts gesê hy en sy span sien daarna uit om in die komende week te rus voor hulle die volgende groot uitdaging takel.
"Ek dink eers gaan ons braai, en miskien 'n bier drink. Ons gaan rus, en dan gaan ons begin voorberei, al weet ons nog nie eintlik teen wie ons volgende speel nie."
Die Stormers se Peter Grant is as speler van die wedstryd aangewys.
"Nommer tien was die hele seisoen 'n moeilike nommer om mee te speel vir die Stormers, maar vanaand was dit goed gewees," het Grant gesê.
Puntemakers
Cheetahs
Drieë: Davon Raubenheimer, Rayno Benjamin (3)
Doelskoppe: Sias Ebersohn (4)
Strafskoppe: Sias Ebersohn (2)
Stormers
Drieë: Gio Aplon, Juan De Jongh, Nick Koster, Bryan Habana
Doelskoppe: Peter Grant (3)
Strafskoppe: Peter Grant (6)
– Volg Nuus24Sport op Twitter.
- Nuus24