'Smit is ver van klaar'
2011-03-30 09:04
In-diepte Verslae
Die Western Force het 'n bonuspunt gekry nadat hulle die Lions tydens hul Super-rugbywedstryd by die NIB-stadion in Perth geklop het.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Kaapstad - Aikôna, reken die voorspeler-afrigter van die Stormers, Matthew Proudfoot, aan die vooraand van sy span se Super Rugby-kragmeting met die Sharks in Durban: John Smit is nog ver van klaar.
Dié Bok-kaptein het weliswaar in die naweek op Twickenham swaar gelewe, veral in die skrums, maar Proudfoot bly ’n uitgesproke bewonderaar.
“As iemand anders hom nie wil hê nie, kan ek hom asseblief kry? Vaste voorspelers makeer ’n paar agtereenvolgende wedstryde om op dreef te kom.
“John speel boonop loskop- en vaskopstut én haker – daar’s maar min spelers wat daarvoor kans sien. En sy soort ervaring en leierskap koop jy nie; dit word oor jare gekweek.”
Proudfoot reken nie die Sharks se nederlaag teen die Crusaders in Londen het die Stormers enige gunste bewys nie: “Dit het wel onderstreep watter kanniedood-span hulle is. Sjoe, wat ’n wedstryd!
Saterdag se kragmeting in Durban behoort nogmaals voorlangs beslis te word, maar tot dusver het die Stormers-pak ’n vuur getoon wat daar nie verlede jaar was nie.
“Ek wil die manne weekliks sien verbeter en ek is op die oomblik tevrede om dit te doen. Maar ek onthou dat ons hierdie einste gesprek op hierdie einste tydstip verlede seisoen ook gehad het – en kyk wat het toe gebeur.”
Proudfoot verwag dat reën die voorspelers se taak belangriker in Durban behoort te maak.
“Dieselfde kouefront wat môre (vandag) oor die Kaap beweeg, behoort teen Saterdag in Durban uit te kom.
Proudfoot sê ook dat die Stormers nie planne beraam vir Willem Alberts, vuurvreter-flank van die Sharks nie.
“Maak jy vir Willem planne, skep jy gate en geleenthede vir Ryan Kankowski en Keegan Daniel. Wat help dit jou dan?”
- Intussen het die Sharks dalk groot losskakelprobleme, berig Pieter Jordaan.
’n Kuitbesering wat die losskakel Jacques-Louis Potgieter teen die Crusaders opgedoen het, kan hom langs die kantlyn hou teen die Stormers.
Patrick Lambie het nog nie volkome herstel van sy vingeroperasie nie en daar sal dalk in die senter Meyer Bosman se rigting gekyk moet word.
Vir die jongste sportnuus volg Nuus24Sport op Twitter.
- Sport24