Sharks troef Bulls in naelbyt-stryd
2011-06-18 18:50
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Pretoria – Dit was 'n naelbyt-stryd soos min, maar die Sharks was op die ou end net té sterk vir die Bulls in dié twee spanne se Super Rugby-kragmeting op Loftus Versfeld.
Die Sharks, wat teen halftyd met 16-13 voorgeloop het, het die wedstryd afgesluit met 'n eindtelling van 26-23.
'n Drie deur die Sharks in die 73ste minuut het aanvanklik soos die laaste spyker in die Bulls se doodskis gelyk, maar die tuisspan het verwoed teruggeveg, en het skaars drie minute later self oor die lyn geduik.
Dit was egter nie genoeg nie, en 'n kans om nog punte aan te teken het die Bulls in die enkele oorblywende minute van die wedstryd ontwyk.
Met die Sharks se oorwinning het hulle 'n plek in die uitspeelrondes van die Super Rugby-reeks bespreek.
Patrick Lambie is as speler van die wedstryd aangewys.
Puntemakers:
Bulls
Drieë: Gerhard van der Heever, Francois Hougarrd;
Doelskoppe: Morne Steyn (2)
Strafskoppe: Morne Steyn (3)
Sharks
Drieë: Stefan Terblanche, Lwazi Mvovo
Doelskoppe: Patrick Lambie, Frederic Michalak;
Strafskoppe: Patrick Lambie (2), Frederic Michalak
Skepskoppe: Frederic Michalak
– Volg Nuus24Sport op Twitter.
- SAPA