Sharks sal nie slaplê
2010-05-14 07:50
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Christo Buchner
Johannesburg - Die Sharks kry vanaand in Durban teen die Western Force die kans om hul Super14-rugbyseisoen op ’n hoë noot af te sluit.
Al is daar nie veel meer as eer op die spel vir John Smit se span nie, glo die afrigter, John Plumtree, daar sal steeds meer as genoeg motivering wees.
“Twee van ons spanmaats wat ons verlaat, Johann Muller en Deon Carstens, sal vir oulaas langs die veld wees en ek glo die spelers sal aan dié twee ’n gepaste afskeidsgeskenk wil gee,” sê hy.
Die Sharks wil ook vergoed vir die vernederende nederlaag met 0-24 teen die einste Force in ’n opwarmwedstryd vroeg in die jaar.
Plumtree sê hy is baie trots op die karakter wat sy span gewys het sedert hy daardie eerste vyf wedstryde in die Super14-reeks verloor het.
“As ons die Force kan klop en met sewe oorwinnings uit agt wedstryde eindig, sal dit fantasties wees. Ons het ons koppe hoog gehou en bly veg tot die einde.”
Die spanne is:
Sharks: Patrick Lambie, Odwa Ndungane, Stefan Terblanche, Riaan Swanepoel, Lwazi Mvovo, Ruan Pienaar, Rory Kockott, Ryan Kankowski, Jean Deysel, Jacques Botes, Alistair Hargreaves, Steven Sykes, Jannie du Plessis, John Smit (k), Beast Mtawarira.
PLAASVERVANGERS: Craig Burden, Pat Cilliers, Wilhelm Steenkamp, Keegan Daniel, Charl McLeod, Andy Goode, Andries Strauss.
Western Force: James O’Connor, Nick Cummins, Mitch Inman, Ryan Cross, Cameron Shepherd, David Hill, Brett Sheehan, Richard Brown, David Pocock, Matt Hodgson, Nathan Sharpe (k), Ben McCalman, Tim Fairbrother, Ben Whittaker, Pek Cowan.
PLAASVERVANGERS: Nathan Charles, Matt Dunning, Sam Wykes, Tom Hockings, Justin Turner, Sam Harris, Mark Bartholomeusz.
Afskop: 19:10
Bly op hoogte van al die jongste sportnuus deur Nuus24Sport op Twitter te volg.
- Sport24