Sharks kies groot kanonne vir Pumas
2013-02-13 15:45
In-diepte Verslae
Die Springbok-losskakel Morné Steyn het al die Bulls se punte aangeteken om sy span teen die Sharks op Kingspark te laat seëvier.
Die Cheetahs se afrigter, Naka Drotské, het die versoeking weerstaan om Heinrich Brüssow in die 15-tal te kies vir die stryd teen die Higlanders.
Johannesburg – Die Sharks se afrigter, John Plumtree, het 'n sterk span gekies vir Vrydagaand se laaste Super-opwarmstryd teen die Pumas.
Afskoptyd op die KaNyamazane-stadion in Nelspruit is om 19:00.
Tendai Mtawarira, Craig Burden en Jannie du Plessis sal Vrydag in die voorry sak en Anton Bresler kry kans om op slot te beïndruk.
JP Pietersen vervang Odwa Ndungane op vleuel en Louis Ludik sal in Riaan Viljoen se plek in die nr.15-trui uitdraf.
Die losvoorspeler Keegan Daniel se besering het die deur vir Francois Kleinhans oopgemaak om op die plaasvervangerbank gekies te word.
Die veelsydige Springbok Frans Steyn sal die Sharks in Daniel se afwesigheid aanvoer.
So lyk die span:
15 Louis Ludik, 14 JP Pietersen, 13 Paul Jordaan, 12 Francois Steyn (kaptein), 11 Lwazi Mvovo, 10 Patrick Lambie, 9 Cobus Reinach, 8 Lubabalo Mtembu, 7 Jean Deysel, 6 Jacques Botes, 5 Franco van der Merwe, 4 Anton Bresler, 3 Jannie du Plessis, 2 Craig Burden, 1 Tendai Mtawarira.
Plaasvervangers: 16 Kyle Cooper, 17 Allan Dell, 18 Wiehahn Herbst, 19 Pieter-Steph du Toit, 20 Francois Kleinhans, 21 Charl McLeod, 22 Meyer Bosman, 23 Odwa Ndungane, 24 Riaan Viljoen.
Vir die jongste sportnuus volg Nuus24Sport op Twitter.
- SAPA
