Schalk uit vir res van Super-seisoen
2012-07-11 11:45
In-diepte Verslae
Die skrumskakel Piet van Zyl het twee keer vir die Cheetahs oorgeduik in hulle oorwinning oor die Reds in Bloemfontein.
Die Cheetahs se afrigter, Naka Drotské, het die versoeking weerstaan om Heinrich Brüssow in die 15-tal te kies vir die stryd teen die Higlanders.
Kaapstad – Die Stormers se afrigter, Allister Coetzee, het uiteindelik bevestig wat lankal reeds vermoed is: dat Schalk Burger die res van die Super-seisoen vanaf die kantlyn sal moet volg, het TimesLive Woensdag berig.
Aanvanklik was die diagnose dat die Springbok-losvoorspeler "uit sal wees vir drie weke", maar met elke nuwe spanaankondiging het die weke in maande verander.
Coetzee het volgehou dat Burger gaan terugkeer, iets wat teenstrydig is met wat Springbok-kenners in Mei reeds geweet het, het die rugbyskrywer Craig Ray berig.
Die Springbokke se mediese span was reeds twee maande gelede daarvan bewus dat die Stormers-kaptein nie in die Rugby-kampioenereeks, wat aanstaande maand afskop, sal speel nie.
Die Stormers moes dit ook geweet het, maar het ondersteuners steeds bly hoop gee dat hy binnekort kan terugkeer.
Nou het Coetzee erken dat Burger en Nick Koster nie weer vanjaar in die Stormers se truie gesien sal word nie.
Die afrigter is steeds positief dat die beseerde agsteman Duane Vermeulen beskikbaar kan wees vir die halfeindronde.
"Ons is nie baie hoopvol dat Schalk en Nick vanjaar gaan speel nie," het Coetzee eindelik toegegee.
"Ons is meer positief oor Duane, maar hy sal beslis nie Saterdag speel nie."
Die Stormers pak die Melbourne Rebels Saterdag op Nuweland.
Ten spyte van hul beseringskrisis onder die losvoorspelers kon die Stormers daarin slaag om vir die tweede agtereenvolgende jaar bo-aan die Suid-Afrikaanse Super-punteleer te eindig.
Afskoptyd Saterdag is om 15:00.
Vir die jongste sportnuus volg Nuus24Sport op Twitter.
– TimesLive
