Schalk terug vir Stormers
2010-03-04 08:44
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Kaapstad – Die kaptein van die Stormers, Schalk Burger, sal Saterdag sy span op Nuweland lei in hul wedstryd teen die Highlanders, nadat hy van sy dyspierbesering herstel het.
Die flank Pieter Louw, wat verlede naweek uitstekend teen die Brumbies gespeel het, skuif terug na die plaasvervangerbank.
Nog ‘n verandering kom in die skrumskakel-posisie, met Dewaldt Duvenhage wat Ricky Januarie vervang. Die Stormers se bestuur het gevoel dat Duvenhage se tipe spel meer teen die Nieu-Seelanders bied.
Die Stormers se breier, Allister Coetzee, het gesê heelwat spelers sal ‘n kans gegee word om te speel voor die span oorsee vertrek, en dat hy ook spelers in die Westelike Provinsie se Vodacom-span dophou.
So lyk die span wat Saterdag teen die Highlanders speel:
Joe Pietersen; Gio Aplon, Jaques Fourie, Juan de Jongh, Bryan Habana; Peter Grant, Dewaldt Duvenage; Duane Vermeulen, Francois Louw, Schalk Burger (kaptein); Andries Bekker, Anton van Zyl; Brock Harris, Tiaan Liebenberg en Wicus Blaauw.
Plaasvervangers: Deon Fourie, JC Kritzinger, De Kock Steenkamp, Pieter Louw, Ricky Januarie, Lionel Cronje en Sireli Naqelevuki.
- Sapa