Sanzar klap Stormers se skuiwergat toe
2011-11-15 12:47
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Johannesburg – Sanzar sal die “Stormers-skuiwergat” in Vodacom se
Superrugby-reeks sluit na die Kaapse span vroeër vanjaar Schalk Brits ingevlieg
het om in die halfeindronde van die toernooi te verskyn.
Greg Peters, die hoof van Sanzar (’n konsortium bestaande
uit die rugby-unies van Suid-Afrika, Nieu-Seeland en Australië) het gesê daar
sal verandering aan die regulasies vir spelers se beskikbaarheid gemaak word
voor die 2012 Vodacom Superrugby-reeks afskop.
“Ons sal nie reuse-veranderings aanbring nie,” het Peters
gesê, “maar daar sal beslis gekyk word na die regulasies wat bepaal of spelers
van buite in aanmerking vir ‘n plek in die span kom.”
Daar was groot ongelukkigheid in Australië en Nieu-Seeland
vroeër vanjaar toe die Stormers die skuiwergat “uitgebuit” het deur Brits, wat
vir die Saracens in Brittanje speel, in te vlieg om op Nuweland te speel
teen die Crusaders, 'n wedstryd wat die Stormers verloor het.
“Ons oorweeg ‘n soort bevestiging van ‘n oefengroep – ‘n
groep wat regdeur die loop van ‘n seisoen in aanmerking vir ‘n plek in die span
kan kom,” het Peters gesê.
“Behalwe as beserings opduik sal spelers slegs in
die finale rondes kan speel as hulle voor ‘n seker tydstip in die betrokke land
speel.”
– Lees meer hier.
– Vir die jongste sportnuus volg Nuus24Sport op Twitter.