Reds wen drieëfees teen Highlanders
2010-05-15 13:39
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Anja Carstens
Kaapstad - Die Reds het met 'n fees van drieë hul Super14-kragmeting teen die Highlanders Saterdag met 38-36 op die Suncorp-stadion in Brisbane gewen.
In die eerste helfte het die Reds spel domineer met 'n drie in die eerste 36 sekondes én nog twee binne 20 minute van die wedstryd.
Die rustydtelling was 24-3 in die guns van die tuisspan en die Highlanders het gesukkel om losskakel Quade Cooper se briljante individuele spel hok te slaan.
In die tweede helfte het die Highlanders karakter gewys om vyf drieë te druk en skielik die Reds op die agtervoet te plaas.
Die spanne het beurte gemaak om die voortou in die laaste deel van die tweede helfte te neem, maar dit was uiteindelik die Reds wat geseëvier het nadat die Highlanders se heelagter Israel Dagg nie sy strafskop in die 80ste minuut tussen die pale kon deurstuur nie.
Puntemakers:
Reds: Drieë: Quade Cooper, Peter Hynes, Digby Ione, Radike Samo, Poutasi Luafutu (2) Doelskoppe: Quade Cooper (4)
Highlanders: Drieë: Israel Dagg, Chris King, F Vainikolo (2), Jason Ruthledge Doelskoppe: Israel Dagg (4) Stafskoppe: Israel Dagg
Bly op
hoogte van al die jongste sportnuus deur Nuus24Sport op Twitter te
volg.
- Nuus24