Plumtree prys 'dapper' poging
2011-06-19 22:30
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Pretoria – Die Sharks-afrigter, John Plumtree, het sy span se oorwinning van 26-23 oor die Bulls Saterdag as ‘n dapper spanpoging teen een van die beste spanne in die toernooi beskryf.
Die Sharks het nou die moeilike taak om teen die Crusaders in Nelson te staan te kom, waar hulle die buiteperd sal wees in dié wegwedstryd.
“Daar was ‘n spesiale poging nodig teen ‘n goeie span. Veral voor hul tuisskare was dit baie dapper – die manne was baie moedig en ons het vir 80 minute gewys dat ons as ‘n groep kan werk en dit was die mees bevredigende ding,” het Plumtree gesê.
Die span van Durban het hul man gestaan wat die fisieke spel betref en het seker gemaak hulle laat nie die Bulls-kaptein, Victor Matfield, toe om in beheer van sake by die lynstaan te wees nie.
Plumtree het gesê veral die lynstane is die “hart en siel” van Bulls-rugby en hy is bly sy span het by die wedstrydplan gebly.
“Om hier bo te wen, moes ons die plan uitvoer. Dit was nie altyd perfek nie, maar jy kon sien wat ons wou doen en om nie te veel lynstane aan die Bulls af te staan nie, was belangrik, so ons moes skop en dan verdedig,” het hy gesê.
“Daar is nie een manier om hulle te klop nie, maar ons het besluit om hulle te klop en het seker gemaak ons is toegewyd.”
Die besluit om die Franse losskakel Frederick Michalak bo Patrick Lambie te kies, het ook vrugte afgewerp.
“Fred het sy ervaring daarbuite getoon en dit was vir ons van kritieke belang op ‘n groot verhoog soos dié.
“’n Ou soos Pat Lambie gaan baie leer by Fred. Sy skepskop was belangrik, asook die manier waarop hy die wedstryd dikteer het.”
- Vir die jongste sportnuus, volg Nuus24Sport op Twitter
- SAPA