Plumtree: Ons móét op Loftus wen
2011-06-12 22:00
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Johannesburg – Die Sharks móét Saterdag die Bulls op Loftus Versfeld klop om vir die uitspeel-rondte van die Super Rugby-toernooi te kwalifiseer.
"Ons moet op Loftus wen," het Plumtree gesê ná sy span 30-30 gelykop teen die Lions in Johannesburg gespeel het.
"Maar ons het altyd gedink dat dit dalk die geval sal wees," het hy gesê.
"Dit is 'n moeilike kompetisie en jy moet weg van die huis af kan wen."
Plumtree en die kaptein, John Smit, het die span geloof vir die karakter wat hy getoon het om weer in die wedstryd te kom, maar het ook kommer uitgespreek.
"Ons het daaroor gepraat om beter te begin, maar dit het nie gebeur nie – albei kere op hoogte bo seespieël so ons moet daarna kyk," het Plumtree gesê.
Vir Smit, wat op haker begin het, was die gelykoptelling eenvoudig nie goed genoeg nie.
"Ons het nie hierheen gekom om gelykop te speel nie. Ons het hierheen gekom om te wen," het Smit gesê.
Op die vraag waar dinge skeefgeloop het, het Smit gesê die Sharks se voorspelers het nie in die eerste helfte van die wedstryd as 'n eenheid gespeel nie.
"Ons sal harder moet werk, meer akkuraat moet wees en ons verdediging verskerp."
Bly op hoogte van al die jongste sportnuus deur Nuus24Sport op Twitter te volg
- SAPA