Oud-Bok loof Drotské se besluit
2013-02-28 08:26
In-diepte Verslae
Die Sharks sowel as die Springbokke het 'n terugslag beleef met die nuus dat die vleuel JP Pietersen lank op die krukkelys gaan wees.
Die Cheetahs se afrigter, Naka Drotské, het die versoeking weerstaan om Heinrich Brüssow in die 15-tal te kies vir die stryd teen die Higlanders.
Kaapstad – De voormalige Springbok-heelagter Gysie Pienaar het die breier van die Cheetahs, Naka Drotské, geloof vir sy besluit om Johan Goosen 80 minute teen die Sharks te gee.
Goosen het in die eerste helfte teen die Durbaniete met sy stelskopwerk en algemene spel gesukkel, maar in die tweede helfte het hy vlam gevat en kon die Vrystaters 'n agsterstand van 5-26 uitwis om met slegs vier punte agter te loop.
Pat Lambie se strafdoel laat in die wedstryd het die Sharks met 29-22 laat seëvier.
"Hoe langer hy (Goosen) op die veld bly, hoe beter is jou kans op 'n oorwinning," het Pienaar aan Sport24 gesê.
"Hy was verroes met sy spel in die eerste helfte, maar die tweede 40 minute sou sy selfvertroue goed gedoen het."
"Die Cheetahs het die regte besluit gemaak om hom op die veld te hou."
Intussen het Drotské sy span Woensdag aangekondig en besluit om sy skrumskakels, Sarel Pretorius en Piet van Zyl, te roteer.
Pretorius draf uit teen die Chiefs en Van Zyl is op die plaasvervangerbank.
Afskoptyd vir Saterdag se kragmeting in Hamilton is om 08:35.
Cheetahs:
15 Hennie Daniller, 14 Willie le Roux, 13 Johann Sadie, 12 Robert Ebersohn, 11 Raymond Rhule, 10 Johan Goosen, 9 Sarel Pretorius, 8 Philip van der Walt, 7 Pieter Labuschagne, 6 Frans Viljoen, 5 Francois Uys, 4 Lodewyk de Jager, 3 Lourens Adriaanse, 2 Adriaan Strauss (kaptein), 1 Trevor Nyakane
Plaasvervangers: 16 Ryno Barnes, 17 Coenie Oosthuizen, 18 Rynhard Landman, 19 Johannes Prinsloo, 20 Piet van Zyl, 21 Riaan Smith, 22 Ryno Benjamin
Vir die jongste sportnuus volg Nuus24Sport op Twitter.
