Nuwe SA-blasers vir Super-rugby
2012-02-08 11:08
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Johannesburg – Twee Suid-Afrikaners, Lourens van der Merwe en Stuart Berry, is op die lys van skeidsregters wat vanjaar vir die eerste keer in die Super-rugbyreeks sal blaas.
Die res van die lys bestaan uit die Nieu-Seelander Mike Fraser en Australiërs Angus Gardner en Andrew Lees.
Sanzar, die beheerliggaam van rugby, se wedstrydbestuurder Lyndon Bray het die naam van nog 'n Suid-Afrikaner, Jaco Peyper, genoem as iemand wat vanjaar fyn dopgehou sal word.
"Jaco Peyper het 'n groot jaar in 2011 gehad en ons gaan hom regtig druk en meet waar hy staan. Hierdie kan 'n goeie jaar wees vir hom. Glen Jackson is ook iemand vir die toekoms en ons plan is om hom meer geleenthede in 2012 te gee," het Bray tydens Woensdag se nuuskonferensie gesê.
Jonathan Kaplan, wat geen vreemdeling in wedstryde tussen die Bulls en die Sharks is nie, is skeidsregter vir Suid-Afrika se eerste Super-rugbywedstryd op 24 Februarie by Loftus Versfeld, terwyl Marius Jonker die volgende dag in die Stormers se openingswedstryd op Nuweland teen die Hurricanes blaas.
Mark Lawrence, wat verlede jaar sy uitttrede uit internasionale rugby aangekondig het, sal die skeidsregter vir die Lions se wedstryd teen die Cheetahs in Johannesburg wees.
Vir die jongste sportnuus volg Nuus24Sport op Twitter.
– Sport24