Media-lofsange oor Crusaders
2011-07-05 08:48
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Wellington. – Nieu-Seeland se media het die Canterbury Crusaders Maandag geprys nadat hulle die eindstryd van die Super Rugby-reeks gehaal het.
“Die grootste kruistog (crusade) storm voort,” het die New Zealand Herald berig nadat die Crusaders Saterdag tot die eindronde teen die Reds deurgedring het deur die Stormers met 29-10 in Kaapstad te klop.
Die Crusaders het as gevolg van die aardbewing in Februarie wat hul stadion in Christchurch beskadig het, die hele seisoen weg van die huis af gespeel.
As gevolg van dié ramp het die Crusaders hul tuiswedstryde in plekke so ver uitmekaar as Twickenham in Londen en Timaru op die Suid-Eiland gespeel.
Volgens die New Zeland Herald is die Crusaders se teenwoordigheid in die eindstryd nie net ’n merkwaardige sportprestasie nie, maar ook ’n belangrike morele inspuiting vir die verwoeste Canterbury-gebied.
“(Hierdie) professionele span sal die Super15 wen en die stad wat deur die aardbewing verpletter is, help stu,” het Chris Rattue, ’n sportskrywer, in sy rubriek gesê.
Fairfax Media se Marc Hinton het gesê ’n titel vir die Crusaders sal ’n meer verdienstelike prestasie wees as ’n triomf vir die All Blacks later vanjaar in die Wêreldbeker-toernooi.
“Dis moeilik om te sien hoe die All Blacks, wat die Wêreldbeker in hul eie land kan wen, vergelyk kan word met die Crusaders as hulle Saterdag teen die Reds wen,” het hy geskryf.
“Dit sal so spesiaal wees. So beduidend.”
Daar is eenstemmigheid dat die twee beste spanne in die reeks die eindstryd gehaal het. Die media is ook vol vertroue dat die Crusaders teen die Reds kan seëvier om hul agtste Super-titel te wen.
Rattue meen “die Reds is vinnig, maar kort krag voorlangs en het ondanks hul tuisveldvoordeel min kans om te wen”.
In die Dominion Post het die voormalige All Black Justin Marshall gesê die Crusaders se goeie skrumwerk en spel in die ander vaste fasette, asook hul vaardigheid onder afskoppe, bevoordeel hulle.
Volgens hom het al die terugslae in die loop van die seisoen die span in ’n hegte eenheid gesnoer om weer as die kampioene gekroon te word.
Vir die jongste sportnuus volg Nuus24Sport op Twitter.
– Sport24
- Sapa - AFP