Ludeke: Die reëls is duidelik
2010-02-09 15:14
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Johannesburg – Die afrigter van die Vodacom Bulls, Frans Ludeke, meen dat die reëls waarop skeidsregters in vanjaar se Super14-toernooi gaan konsentreer "glashelder" is.
Die Bulls kom Vrydag met hope selfvertroue teen die Cheetahs in Bloemfontein te staan nadat Francois Hougaard, Wynand Olivier, Pierre Spies én Danie Roussouw almal van hul beserings herstel het en fiksheidstoetse geslaag het.
Ludeke glo dat skeidsregters dit uiteindelik duidelik gemaak het hoe hulle wil hê wedstryde gespeel moet word en dat blasers wat dieselfde reëls anders vertolk iets van die verlede is.
“Ons weet dat jy by die afbreekpunte en losskrums moet uitbly. Skeidsregters wil dit sien en dit is duidelik dat hulle dit so sal blaas."
"Dieselfde geld vir die skrums, ons weet dat jy jou eie gewig moet ondersteun en nie jou arm op die dek moet plaas nie. Dit is ook duidelik deur die skeidsregters verduidelik."
Nog 'n reël wat strenger toegepas gaan word deur fluitjieblasers is spelers wat ná ’n skop vanuit ’n onkant posisie vorentoe beweeg.
Die Bulls se span vir Vrydag kan moontlik so lyk: Zane Kirchner, Gerhard van den Heever, Jaco Pretorius, Wynand Olivier, Francois Hougaard, Morné Steyn, Fourie du Preez, Pierre Spies, Pedrie Wannenburg, Deon Stegmann, Victor Matfield, Danie Rossouw, Werner Kruger, Gary Botha, Gurthrö Steenkamp.
- Sport24