Lions se Prins losgelaat
2011-02-09 08:06
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Johannesburg - Daar staan geskryf dat jy nie op mense en prinse moet vertrou nie.
Die Lions-losskakel Elton Jantjies is reeds “Prins” gedoop en die konserwatiewe mening is dat hy vanjaar op 20-jarige ouderdom maar nog baie menslik op Super Rugby-vlak sal wees.
Tog glo die Lions-afrigtingspan in Prins Elton, al gaan daar aanvanklik realistiese verwagtinge aan hom gestel word.
Die Lions se losskakel-kroonprins word Woensdagaand die eerste keer in 2011 op die veld losgelaat wanneer sy span hier op Coca-Colapark teen Tucuman van Argentinië speel.
Die Lions-breier, John Mitchell, het Jantjies die afgelope week kondisioneringswerk laat doen terwyl sy spanmaats oefenwedstryde teen die Stormers en die Sharks gespeel het.
“Elton is nou skerper. Hy het omtrent vyf weke se kondisionering agter die blad en nou is dit tyd om sy wedstydfiksheid op peil te kry,” het Mitchell gesê.
Met Doppies la Grange wat vanaand ook sy eerste kans in 2011 kry, is die Lions-agterlyn op die oog af naby aan die een wat die Bulls volgende Saterdag sal pak.
Op heelagter is daar wel ’n proefneming met die Nieu-Seelander James Kamana, maar Jaco Taute kan ná rustyd speelkans kry.
Mitchell stuur waarskynlik ook sy eerstekeuse-agttal op die veld.
Die mededinging om die vaskopstut-posisie sal nietemin daartoe lei dat Patric Cilliers sy kans wil aangryp, met Kevin Buys wat ’n plaasvervanger is.
Tucuman sal wil wys dat Suid-Afrika hom nie net vir 1993 se bloedige vuisgeveg teen die Springbok-toerspan in Argentinië hoef te onthou nie.
Die Argentynse nasionale span kan van 2012 saam met die Sanzar-spanne in ’n uitgebreide viernasies-reeks speel.
Die toekomstige deelname van Argentynse streekspanne in Super Rugby word ook nie uitgesluit nie.
As Argentynse klubkampioen, het Tucuman dus ’n belangrike diplomatieke taak op Coca-Colapark om die rugbywêreld van die krag in Argentynse rugby te oortuig.
* Vanaand se wedstryd op Coca-Colapark begin om 19:00 en kaartjies (R20) kan by die hekke gekoop word.
Die spanne is:
Lions: James Kamana, Lionel Mapoe, Waylon Murray, Doppies la Grange, Michael Killian, Elton Jantjies, Jano Vermaak, Dries van Schalkwyk, Josh Strauss, Derick Minnie, Franco van der Merwe (k), George Earle, Patric Cilliers, Bandise Maku, JC Janse van Rensburg. PLAASVERVANGERS: Martin Bezuidenhout, Kevin Buys, Wikus van Heerden, Cobus Grobbelaar, Rory Kockott, Burton Francis, Jaco Taute, David Bulbring, Michael Rhodes, Jannie Boshoff.
Tucuman: Lucas Barrera Oro, Alvaro Lopez Gonzalez, Federico Haunstein, Ezequiel Faralle, Nicolás Pintado, Santiago Chavanne, Diego Ternavasio, Lisandro Ahualli, Antonio Ahualli, Ignacio Haunstein, Gabriel Pata Curello, Patricio Gimenez, Bruno Cuezzo, Juan Avila, Roberto Tejerizo. PLAASVERVANGERS: Rafael Garrido, Germán Araoz, Emiliano Coria, Juan Pablo Laggarigue, Dino Caceres, Nicolás Centurion, Facundo Rodriguez Prados, Fransisco Granata, Federico Mentz, Anibal Teran, Sebastian Ponce, Juan Pablo Joya, Diego Mas, Proto Luciano.