Lions kry Super-loesing
2010-03-12 12:47
In-diepte Verslae
Allister Coetzee, wat uit verskeie oorde gekritiseer is oor Jebb Sinclair se insluiting, het sy soektog na 'n oorsese losvoorspeler laat vaar.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Anja Carstens
Sydney - Wie sou kon raai dat voor die afskop van die Super14-wedstryd tussen die Lions en die Waratahs Vrydag in Sydney, die besoekers dit as hul kans op 'n eerste oorwinning beskou het?
Die Waratahs het die Lions met 73-12 gewen deur 'n rekord elf drieë aan te teken.
Daar was voor die afskop druk op albei spanne om dringend hul spelpeil te lig na teleurstellende uitslae in vorige rondes.
In die eerste helfte het Drew Mitchell (2), Dean Mumm, Tom Carter én Lachlan Turner almal drieë vir die tuisspan gedruk.
Met die Lions-skrumskakel Jano Vermaak, wat in die tweede helfte sy eerste verskyning in vanjaar se Super14-reeks gemaak het, het die bal vinniger vir die Lions gekom, maar hanteerfoute het al dié goeie werk ongedaan gemaak.
Die vleuel Tonderai Chavhanga en plaasvervanger Charles Emslie het drieë vir die Lions gaan druk.
Die Waratahs het gate in die Lions se verdediging gehardloop en veral in die tweede helfte het die Australiërs uitstekende hardlooprugby gespeel.
Drieë in die tweede helfte is gedruk deur Wycliff Palu, Drew Mitchell (2), Joshua Holmes (2) en Lachlan Turner.
Die Super14-reeks raak nie makliker vir die Lions nie, wat volgende week teen die Crusaders te staan kom. Die Waratahs speel volgende Saterdag teen die Western Force.
Puntemakers:
Lions: Drieë: Tonderai Chavhanga, JC Janse van Rensburg Doelskoppe: Francis Burton
Waratahs: Drieë: Drew Mitchell (4), Dean Mumm, Tom Carter, Joshua Holmes (2) Lachlan Turner (2), Wycliff Palu Doelskoppe: Berrick Barnes (9)
- Nuus24