Lions koester nie wrok teen Kings
2013-02-07 18:00
In-diepte Verslae
Die Brumbies is terug op die wenpad ná hulle die Blues Saterdag in hulle Superrugbystryd op 'n sopnat Edenpark in Auckland geklop het.
Die Cheetahs se afrigter, Naka Drotské, het die versoeking weerstaan om Heinrich Brüssow in die 15-tal te kies vir die stryd teen die Higlanders.
Johannesburg – Johan Ackermann, afrigter van die Lions, het weereens die idee verwerp dat hul wedstryd Saterdag teen die Southern Kings op Ellispark ‘n wraakstryd sal wees.
Ackermann het gesê daar is absoluut geen sprake van wraak neem teen die Oos-Kaapse span nie. Die Southern Kings het die Lions in vanjaar se Superrugby-reeks vervang.
“Ek het nog nie een keer hierdie week probeer om vuur onder hulle wakker te maak nie, dit is nie die regte manier nie,” het Ackermann gesê.
“Ons was Saterdag in sekere gebiede teleurstellend en ons wil dit probeer regmaak.”
Ackermann het ‘n paar veranderinge gemaak aan die span wat verlede Saterdag 38-32 teen die Bulls in Soweto verloor het.
Die skrumskakel Michael Bondesio en die agsteman Willie Britz is na die stryd vir sowat vier weke op die krukkelys as gevolg van beserings.
Ross Cronjé vervang vir Bondesio terwyl JJ Breet vir Britz in die span vervang.
Derick Minnie sal na agtseman skuif met Breet wat op flank sal uitdraf.
Lionel Cronjé sal op loskakel by Marnitz Boshoff oorneem, wat heelagter toe skuif.
Andries Coetzee skuif van heelagter na vleuel, met Deon Helberg wat op die bankie sal wees.
Die Lions sal na die naweek se stryd vier weke af hê voor hul volgende wedstryd teen Mont de Marsan van Frankryk op 16 Maart.
Namibië sou op 23 Februarie teen die Lions gespeel het, maar het hul wedstryd gekanselleer.
“Ons het nou die voordeel waar ons vir almal bietjie hersteltyd kan gee. Hulle sal volgende week oefen en dan sal ons hulle ‘n paar dae afgee om te herstel.”
Die Lions se span vir die wedstryd teen die Kings:
15 Marnitz Boshoff, 14 Andries Coetzee, 13 Stokkies Hanekom, 12 Alwyn Hollenbach, 11 Anthony Volmink, 10 Lionel Cronje, 9 Ross Cronje, 8 Derick Minnie, 7 JJ Breet, 6 Jaco Kriel, 5 Franco Mostert, 4 Hendrik Roodt, 3 Ruan Dreyer, 2 Francois du Toit, 1 JC Janse van Rensburg (kaptein)
Plaasvervangerss: 16 Robbie Coetzee, 17 Jacques van Rooyen, 18 Gavin Annandale, 19 Warwick Tecklenberg, 20 Whestley Moolman, 21 Deon Helberg, 22 Ruhan Nel, 23 Dylan des Fountain
Vir die jongste sportnuus volg Nuus24Sport op Twitter.
- SAPA
