Kiwi-polisie ontken Lions-speler is betrokke by seksklag
2011-06-04 11:00
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Dunedin - Die polisie in Dunedin, Nieu-Seeland, ontken nou dat hulle gesê het ’n Lions-rugbyspeler was betrokke by die seksuele aanranding van ’n meisie in dié land.
Die voorval het glo verlede Saterdag by ’n kroeg in die middestad plaasgevind waar die Lions hul oorwinning oor die Highlanders gevier het.
Kallum Croudis, ’n polisiewoordvoerder, het gister gesê dit was die plaaslike media wat ’n rugbyspeler onder verdenking geplaas het.
“Ons doen ’n ondersoek in verband met seksuele aanranding. Ek sê geensins iets oor rugby nie,” het Croudis aan die webwerf www.stuff.co.nz gesê.
“Vir ons dra die behoeftes van die slagoffer meer gewig as die behoeftes van die media.
“Ek het die Lions nooit genoem nie. Slegs die media het die Lions genoem.”
Dieselfde webwerf het vroeër vandeesweek berig inligting dui daarop dat ’n Lions-speler met die voorval verbind word.
Ook die Australiese Super-Rugbyspan die Western Force het vroeër vandeesweek ontken dat enige van sy spelers iets met die voorval te doen gehad het.
Die Force het verlede naweek in dieselfde hotel in Dunedin as die Lions tuisgegaan.
Soos die Force, ontken die Lions dat enige van hul spelers die afgelope week weens die voorval deur die polisie ondervra is.
Kevin de Klerk, president van die Goue Leeus Rugbyunie (GLRU), het vandeesweek deurgaans ontken dat die uniebestuur deur Nieu-Seelandse owerhede geskakel is.
“As daar iets ernstigs (omtrent die storie) was, sou die speler mos nie toestemming gekry het om van Dunedin na Wellington te reis nie?” het De Klerk gesê.
- Sport24
Bly op hoogte van al die ongste sportnuus deur Nuus24Sport op Twitter te volg.