King Carlos help uit by Sharks
2013-01-18 13:55
In-diepte Verslae
Dis steeds onduidelik wanneer die Springbok-heelagter Zane Kirchner tot die speelveld vir die Bulls sal kan terugkeer.
Die Cheetahs se afrigter, Naka Drotské, het die versoeking weerstaan om Heinrich Brüssow in die 15-tal te kies vir die stryd teen die Higlanders.
Durban – Die oud-All Black en voormalige hulpafrigter van die Lions, Carlos Spencer, gaan sy kennis met die Sharks deel tydens die Durbaniete se voorseisoense voorbereiding vir die Super-reeks.
Sport24 het Vrydag berig dat die 37-jarige voormalige losskakel ingestem tot 'n korttermyn-kontrak.
"Sy ervaring as 'n speler en die geleentheid om hom te gebruik is fantasties vir ons," het die Sharks se breier, John Plumtree, gesê.
"Sy kennis van losskakel- en agterlynspel is van onskatbare waarde. Carlos sal ook na spelers se skoptegnieke kyk terwyl hy in Durban is."
"Omdat hy 'n tydjie hier gaan wees kan hy homself geniet en die spelers leer ken. Ek is baie beïndruk met wat hy met Elton Jantjies gedoen het," het Plumtree gesê.
Spencer sê hy sien uit daarna om saam met die Springbok-losskakel Pat Lambie te werk.
"Ek het my tyd met Elton baie geniet, hy is 'n opwindende en vaardige speler," het Spencer gesê.
"Pat is 'n soortgelyke speler. Hy is beslis iemand vir die toekoms en ek sien daarna uit om 'n paar van my idees met hom te deel."
Die Sharks se Super-rugbyveldtog skop af op 23 Februarie wanneer hulle teen die Cheetahs in Bloemfontein uitdraf.
Vir die jongste sportnuus volg Nuus24Sport op Twitter.
– Sport24
