'Juan beter speler ná koue skouer'
2012-07-27 08:29
In-diepte Verslae
Die Sharks sowel as die Springbokke het 'n terugslag beleef met die nuus dat die vleuel JP Pietersen lank op die krukkelys gaan wees.
Die Cheetahs se afrigter, Naka Drotské, het die versoeking weerstaan om Heinrich Brüssow in die 15-tal te kies vir die stryd teen die Higlanders.
Kaapstad – Die Stormers se agterlyn-afrigter, Robbie Fleck, glo Juan de Jongh se weglating uit die Springbok-span het tot 'n verbetering in sy spelpeil gelei.
Sedert die Super-reeks weer begin het, ná die wintertoetse in Junie, het De Jongh drie briljante wedstryde vir die Kapenaars gespeel.
"Ek dink die feit dat hy nie by die Bokke betrokke was nie het hom meer gemotiveer. Jy sien dat hy selfs 'n steekskoppie of twee probeer om die druk te verlig," het Fleck Vrydag aan Sport24 gesê.
De Jongh sal Saterdag teen sy oud-spanmaat Tim Whitehead uitdraf wanneer die Stormers en die Sharks mekaar in die Super-halfeindstryd op Nuweland pak.
Whitehead het 'n groot indruk by die Durbaniete gemaak en sy tweegeveg met De Jongh sal interessant wees om dop te hou.
"Ek dink baie van Tim, sy visie, aangeë en die lyne wat hy hardloop is baie goed, het Fleck, wat Whitehead afgerig het toe hy nog vir die Universiteit van Kaapstad gespeel het, gesê.
Die stryd op Nuweland skop af om 17:05.
Spanne:
Stormers: 15. Joe Pietersen, 14. Gio Aplon, 13. Juan de Jongh, 12. Jean de Villiers (kaptein), 11. Bryan Habana, 10. Peter Grant, 9. Dewaldt Duvenage, 8. Deon Fourie, 7. Rynhardt Elstadt, 6. Siya Kolisi, 5. Andries Bekker, 4. Eben Etzebeth, 3. Brok Harris, 2. Tiaan Liebenberg, 1. Steven Kitshoff
Plaasvervangers: 16. Frans Malherbe, 17. Deon Carstens, 18. De Kock Steenkamp, 19. Don Armand, 20. Louis Schreuder, 21. Burton Francis, 22. Gerhard van den Heever
Sharks: 15 Louis Ludik, 14 JP Pietersen, 13 Tim Whitehead, 12 Meyer Bosman, 11 Lwazi Mvovo, 10 Frederic Michalak, 9 Charl McLeod, 8 Ryan Kankowski, 7 Marcell Coetzee, 6 Keegan Daniel (kaptein), 5 Anton Bresler, 4 Willem Alberts, 3 Jannie du Plessis, 2 Bismarck du Plessis, 1 Tendai Mtawarira
Plaasvervangers: 16 Craig Burden, 17 Wiehahn Herbst, 18 Steven Sykes, 19 Jean Deysel, 20 Jacques Botes, 21 Odwa Ndungane, 22 Riaan Viljoen
Vir die jongste sportnuus volg Nuus24Sport op Twitter.
– Sport24
