Jantjies uit oor dissipline
2011-06-09 18:51
In-diepte Verslae
Die Brumbies-losskakel, Zack Holmes, se onsuksesvolle strafdoel in die laaste minuut het die Reds met 'n enkele punt in Canberra laat wen.
Die haker van die Lions, Bandise Maku, het 'n ernstige skouerbesering opgedoen en sal 'n groot deel van die Super-rugbyreeks misloop.
Brenden Nel, Supersport
Johannesburg – Die Lions-afrigter, John Mitchell, het die losskakel Elton Jantjies gestraf nadat hy span-protokol oortree het en het Butch James weer die losskakel-posisie laat inneem vir die span se laaste Super Rugby-kragmeting van die seisoen teen die Sharks.
Mitchell het aangedui dat Jantjies ‘n belangrike span-afspraak gemis het en dat dít die rede is vir Jantjies se skuif na die plaasvervangerbank.
Die jong losskakel het onlangs indrukwekkende vertonings gelewer in sy span se toer na Australasië.
Hoewel daar aanvanklik gemeen is die skuif is gemaak weens Jantjies se gesukkel op die verdediging, het Mitchell ‘n ander verduideliking gebied.
“Elton het die span-protokol gebreek terwyl ons op toer was, so hy moet die nagevolge aanvaar,” het Mitchell gesê.
“Die leierskap het saam die besluit daaroor gemaak. Dit is hoekom Butch nou na nr. 10 skuif.
“Ek dink dit is iets wat binne die span gehou word... dit het meer te doen met stiptelikheid. Hy het ‘n afspraak gemis.”
Die Lions-span is:
15 Jaco Taute, 14 Dylan Des Fountain, 13 Doppies la Grange (kapt.), 12 Alwyn Hollenbach, 11 Deon van Rensburg, 10 Butch James, 9 Jano Vermaak, 8 Josh Strauss, 7 Derick Minnie, 6 Cobus Grobbelaar/Jaco Kriel, 5 Franco van der Merwe/David de Villiers, 4 Wikus van Heerden, 3 Patric Cilliers, 2 Bandise Maku, 1 JC Janse van Rensburg
Plaasvervangers: 16 Edgar Marutlulle, 17 Jacobie Adriaanse, 18 David de Villiers/David Bulbring, 19 Warren Whiteley, 20 Michael Bondesio, 21 Elton Jantjies, 22 Michael Killian
- Vir die jongste sportnuus, volg Nuus24Sport op Twitter