Guildford op bank vir Crusaders
2012-03-01 14:00
In-diepte Verslae
Die Springbok-losskakel Morné Steyn het al die Bulls se punte aangeteken om sy span teen die Sharks op Kingspark te laat seëvier.
Die Cheetahs se afrigter, Naka Drotské, het die versoeking weerstaan om Heinrich Brüssow in die 15-tal te kies vir die stryd teen die Higlanders.
Wellington – Die All Black-vleuel Zac Guildford sal straks Saterdag in sy eerste wedstryd speel sedert hy verlede jaar geskors is vir alkoholmisbruik.
Die 23-jarige is op die plaasvervangerbank gekies vir die Crusaders se Super-rugbykragmeting met die Highlanders in Dunedin.
Sy insluiting, in die plek van Patrick Osborne, is die enigste verandering aan die span wat die Blues laas Vrydag met 19-18 geklop het.
Guildford is vir vier wedstryde deur die Nieu-Seelandse rugbyunie geskors ná 'n hewige gedrinkery verlede jaar in November, waartydens hy ’n kroeg naak en bebloed ingestrompel en twee mense aangerand het.
Afskoptyd Saterdag in Dunedin is 08:35.
So lyk die span:
15 Tom Marshall, 14 Sean Maitland, 13 Robbie Fruean, 12 Ryan Crotty, 11 Israel Dagg, 10 Tyler Bleyendaal, 9 Andy Ellis, 8 Kieran Read (kaptein), 7 Matt Todd, 6 George Whitelock, 5 Samuel Whitelock, 4 Tom Donnelly, 3 Ben Franks, 2 Quentin MacDonald, 1 Wyatt Crockett.
Plaasvervangers: 16 Corey Flynn, 17 Owen Franks, 18 Luke Romano, 19 Luke Whitelock, 20 Willie Heinz, 21 Adam Whitelock, 22 Zac Guildford.
Vir die jongste sportnuus volg Nuus24Sport op Twitter.
– Sport24
